علق محمد أسامة طبيب فريق الزمالك الحالي، علي انتشار فيروس كورونا في بلدان العالم، ومن ضمنها مصر.
وكتب أسامة عبر حسابه بفيس بوك مساء اليوم: "كنت بعيد علي امي امبارح، قالتلي انا خايفه عليك من طبيعه شغلك، قولتلها سبيها علي ربنا ومافكرتش ثانيه واحده اني ممكن ابطل شغل لأن ببساطه دي حياتي وانا فخور بيها، الطب هو الحاجه الوحيده اللي مش هاينفع تمثل او تفتي فيها لازم كل حاجه تكون واضحه من حقوق وواجبات".
وتابع: "ببساطه العالم بيفتح وهايفتح اكتر لاي حد في المجال الطبي، ولا احترم ابدا المقارنه او حتي التفرقه بين البشر في المرض"، مضيفا: "في نوع من الناس بيستغل اي ازمه علشان ميوله اللي مش نظيفه، صدقني انت زي اللي اهمل بالظبط".