أعلن الدكتور أحمد عبد الدايم مدير إدارة خدمات العدادات الذكية ومسبوقة الدفع بقطاع الحاسبات ونظم المعلومات في شركة جنوب القاهرة لتوزيع الكهرباء، أن عدادات الكهرباء مسبوقة الدفع مبرمجة على عدم الفصل في حالة نفاذ الرصيد ما بعد الساعة الخامسة عصرا حتى الساعة العاشرة صباحا، وفى حالة نفاذ الرصيد قبل الدخول في الأوقات الصديقة سيتم الفصل العادى ويلزم شحن العداد مرة أخرى.
وأوضح عبد الدايم في تصريح خاص لـ " البوابة نيوز "، إنه منذ بدء تركيب عداد مسبوق الدفع يتوافر بالعدادات الأوقات الصديقة بالإضافة إلى يوم الجمعة فقط لا يتم الفصل حتى صباح يوم السبت يتم الفصل، ولكن مع التطورات المتتالية التي أحدثتها وزارة الكهرباء والطاقة المتجددة والاعتماد على التقنيات الحديثة تم استحداث إضافة جديدة في بداية عام 2019 لجميع العدادات مسبقة الدفع والتى يتم توريدها لشركات التوزيع اعتبارا من عام 2019 فيما يعرف بخاصية الـ 48 ساعة (طوارى ) وهذه الخاصية تعنى أنه في حالة نفاذ الرصيد يقوم المشترك بوضع الكارت داخل العداد ويقوم العداد بعدها برجوع التيار بدون رصيد خلال مدة أقصاها 48 ساعة كخدمة مقدمة للعملاء في حالة تعذر المشترك عن قيامه بالشحن نتيجة أي معوقات ويليها فصل العداد تلقائيا في حالة عدم الشحن مرة أخرى، ومع عام 2020 وبناء على التعليمات الصادرة من الشركة القابضة طرح جميع المناقصات لمسبق الدفع بكروت NFC لإتاحة أكبر شريحة ممكنة في المجتمع بالشحن عن طريق الهاتف المحمول وهو في البيت والدفع عن طريق الفيزا.
وحول العدادات الكودية أوضح عبد الدايم أنه، يتم لها الأن عمل منصة لجمع الطلبات، وتقوم شركة جنوب القاهرة لتوزيع الكهرباء، بناء على توجيهات المحاسب محمد السيسي رئيس الشركة برفع حالة طوارئ وتأهب لكل فروع الشركة لخدمة عملائنا الحاليين والاستعداد للطلبات الكودية وفى إطار ذلك قام قطاع نظم المعلومات بجميع تخصصاته بعمل التحديثات اللازمة لتتماشى مع الضوابط والتعليمات الجديدة وذلك على برامج خدمة العملاء وبرامج مسبق الدفع، والتنسيق الكامل مع باقى قطاعات الشركة (التجارى – الشبكات – التصميمات – العدادات ) لتلبية الاحتياجات مع بدء الاحتمال في فتح تقديم العدادات الكودية قريبا.
وفى إطار الميكنة والتعامل بالفيزا، قال إنه تم التوسع في زيادة وحدات الشحن المتنقلة بكل مركز شحن لسهولة وسرعة الشحن دون طوابير مزدحمة، وتم تغذية جميع مراكز الشحن بكل فروع الشركة، وبالإضافة إلى الشحن السريع في حاله عطل بأجهزة الحاسب الالى يتم الاعتماد على تلك الوحدات بكل مركز.
وأكد عبد الدايم أن وحدات الشحن المتنقلة يوجد بها إمكانية الدفع عن طريق الفيزا أو الكاش.
البوابة نيوز ترصد كيفية شحن كارت عداد الكهرباء بالموبايل والفيزا:
لو تلفونك فيه خاصية NFC
تقدر تشحن كارت الكهرباء فورا بالفيزا
ببرنامجSAHL GTPAY
كل حاجة دلوقتي بالفيزا
ومش بس كدة بالخاصية ديه أنت ممكن تقرأ كروت الفيزا بتاعتك
وتشوف المعاملات إلى تمت عليها زي ما تكون حطيت الفيزا في ATM
لأن الكروت الحديثة فيها شريحة NFC بتتسجل عليها البيانات
تتقري عن طريق تلفون فيه NFC
الطريقة بالتفصيل.....
بعد تنزيل البرنامج
هتفتحه وتختار تفاصيل الاستهلاك
حتقرب الكارت من ظهر التلفون وتحركه ببطء حتلاقيه قرأ بيانات الكارت
طبعا الكارت الجديد إلى فيه NFC
حيجبلك آخر معاملات على الكارت واخر شحن واخر رصيد
وشوية تفاصيل تانية
بعدها تختار شحن الكارت
هنا تسيب الكارت عادي وتستخدم الموبايل بس
حتختار نوع الفيزا بتاعتك
وتكتب البيانات بتاعتها
متخفش طبعا لانه برنامج رسمي من شركة الكهرباء
حيقولك في آخر صفحة بيانات الفيزا
قيمة الخصم
يعني 100 ب 105
يعني1000 ب 1015
يعني 3000 ب 3060
حيقولك تم خصم المبلغ بنجاح
اضغط لنقل الشحنة للكارت
هنا تدوس على نقل الشحنة للكارت وترجع الكارت تاني تحطه على ظهر التلفون
حيقولك تم نقل الشحنة للكارت بنجاح
لو حاولت تقرا الكارت مش حيجبلك أي معلومات جديدة
لازم تدخل الكارت بالعداد عشان تفضي الشحنة فيه
وقتها تخرجه وتقراه بالبرنامج
حيجبلك تفاصيل الشحنة والاستهلاك وباقي البيانات
وبكدة تشحن في البيت في اي وقت وبدون أي تعب أو مجهود
