دعا الفنان تامر حسني جمهوره للبعد عن التشاؤم من خلال صفحته الرسمية على موقع التواصل الاجتماعي "فيس بوك".
وكتب تامر تعليقا على حديث عن الصحابي ابن مسعود رضي الله عنه: "ودا يخلينا دايمًا نظن بالله خير ولازم نبعد عن التشاؤم عشان التشاؤم بيخليك تبني علاقة جذب كبيرة بينك وبين كل الأفكار السلبية ويقربهالك وتتوهم إن ربنا كتبهالك لا دا غلط وألف غلط لازم نكون العكس تمامًا ونبني علاقة حلوة وطاقة جذب كبيرة تجاه ما بنحب ونتمناه أرجوكم اعملوا كدا صدقوني ومتيأسوش من رحمة ربنا".
وتابع "حسني": "ربنا بيحب العبد اللحوح في الطلب اللي مصمم ومش بييأس ومهما كانت الصعاب اللي بتعيشوها اعرفوا إن في أصعب من كدا ممكن يحصلنا وبكتير فنقول الحمد لله ونتفائل، وآخر حاجة نسيبها في مخنا تكون إيجابية أرجوكم عشان هتبني علاقة جذب جميلة بينكم وبين هدفكم حتى لو كان بعيد مش هتخسروا حاجة لما تكون آخر حاجة سيبتوها في دماغكم متفائلة وكلها ثقة في ربنا إنه هيحققهالكم ودايمًا قولوا إن شاء الله هقدر إن شاء الله هيحصل، تفائلوا بالخير تجدوه".
يذكر أن تامر حسني أعلن إلغاء جميع حفلاته لشهري مارس وأبريل ضمن الإجراءات الاحترازية للحد من الإصابة بفيروس كورونا.
