تناشد أزهار على من سكان منطقة أرض اللواء بالجيزة وزير الإسكان، توفير وحدة سكنية لها ولأسرتها، تحفظ أطفالها من الضياع، تقول: زوجى مريض يتألم، وأحمل عنه همه وهم أسرتى بالعمل في تنظيف البيوت في أى مكان تطلب فيه وفى أى وقت.
تقول «أزهار: نفسى في شقة أنا وجوزى وعيالى عشان عيالى سنهم كبر وما ينفعش نقعد كلنا في أوضة، واحنا ناس بسيطة وعايشين يوم بيوم ولا نملك من الدنيا كلها سوى هذه الغرفة الضيقة. وتضيف: جوزى كان شغال كهربائى وجاتله شظيه في عينه اليمين عملتله غرغرينا، وعمل عملية فيها، وبسبب الإهمال عينه باظت خالص، والعين التانية ضعفت، وما بيشتغلش لأنه مش بيشوف بيهم. وتواصل: بشتغل في تنظيف البيوت كل يوم، عشان أولادى في المدارس محتاجين مصاريف، كل يوم ده غير مصاريف البيت وعلاج جوزى المريض، ويومى بـ٧٠ جنيه فقط يعنى يدوب يكفو، بس الحمد لله أحسن من ما فيش خالص.
