قال شريف خيري، الشاب الذي أنقذ عشرات العالقين تحت الأمطار بسيارته "الجيب": "أولا أنا مش عارف أقول غير إني منبهر انبهار غير عادي وسعيد سعادة غير طبيعية من ردود الأفعال من امبارح للنهاردة، صحيح مش محتاج اتكلم وأقول وأوري صور رسائل الناس من كل دول العالم أو التليفونات اللي ماوقفش من امبارح لغاية دلوقتي بتشكر وبتدعي دعوات لا حصر لها الحمد لله".
وأضاف "شريف"، عبر صفحته الشخصية على موقع التواصل الاجتماعي "فيسبوك": "شيء يدعوني للفخر لأن حد معرفوش يكلمني يدعيلي، اللي اتعمل ده مكنش بداعي شهرة ولا هدف غير طبيعي أو سوي غير الخير والثواب لله، والدليل اللي حصل ده، كل الناس اللي عرضت فلوس أو مساهمات حابب أشكرهم، كل اللي كلمني عرض عليا عربيته تكون تحت استخدامي أشكره، كل اللي عرض قروض أو سلف أو غيره وغيره أو غيره مش عارف أرد وأقول أيه ولا أيه".
يذكر أن الهيئة العربية للتصنيع والشركة العربية الأمريكية للسيارات "AAV"، مركز خدمة علامة "جيب" في مصر، أعلنت عن تحمل تكاليف تصليح سيارة شريف خيري، الشاب الذي أنقذ عشرات العالقين تحت الأمطار بسيارته "الجيب".
