تصدرت الفنانة ياسمين عبدالعزيز وشقيقها، محركات البحث على جوجل، وأصبحت "تريند" على مواقع التواصل الاجتماعي، وذلك عقب ما نشره أمس الفنان وائل عبدالعزيز شقيق ياسمين، عبر صفحته الشخصية بشبكة التواصل الاجتماعي "فيس بوك".
وجاء النشر بمثابة ضربة البداية التي فجّرت الأزمة، واضطرت ياسمين عبدالعزيز بالاعتراف بحبها بعد أسابيع كثيرة من الصمت.
وكتب وائل عبدالعزيز، أمس الثلاثاء، منشورا موجها لشقيقته قال خلاله: "بصى يا ياسمين ياعبد العزيز يا أختى، أنا معاكِ وفى ضهرك من وأنتى صغيرة، شلت مشكلات كتيًر بسببك من وأنتى عيلة صغيرة، بداية من مشاكلك مع الشاعر وبرادة وأنتى عارفة إن أنا أتاذيت فيها إزاى وقضيته الشغالات مؤخرًا غير قضية الضرب اللى كانت بينك وبين بنت هشام سليم الممثلة اللى لبستيها التورتة في وشها".
وأضاف شقيق ياسمين: "وقفت جمبك بكل ما أملك من قوة أدافع عنك في كل موقف صعب مر عليكِ، ونسيت حياتى ونفسى عشانك وبقى كل همى أنا ووالدتك، إنك تكبرى وتبقى نجمة في مجالك، سيبنالك اختياراتك كلها لنفسك ووفقنالك على معظم قراراتك وكنت الوحيد اللى ساندتك ووقفت جنبك في طلاقك، لكن هنهرتل وتروحى تعرفى واحد أصغر منك بـ10 سنين لا من سنك، وتتصورى صور مالهاش أي لازمة على حساب سمعتك وسمعتنا، لا ومحدش هيسمح، من إمتى وإحنا بنعمل أعياد ميلاد وتنزل على السوشيال ميديا، من أمتى الناس بتجيب في سيرتنا؟ ونقعد نتعاكس على السوشيال ميديا؟
"ومع ذلك حياتك وأنتى حرة فيها، أنا هتكلم على الشق اللى يخصنى، أنتى مقاطعة كل العيلة عشان تعملى اللى على مزاجك، إحنا دلوقتى عايزين نفهم العلاقة دى إيه ورايحة على فين".
وتابع: "أما بالنسبة للأخ اللى ماشى وراكِ في كل حتة وشايفك البيضة الدهب اللى هتفقس له كل يوم.. أحب أقولك يا رجل لما تيجى تدخل بيت تدخله من بابه يا رجل!! وتقعد مع رجالة البيت!!.. دى الأصول وده الاحترام.. وطبعًا لأنك عارف أنك مرفوض رافضًا باتًا فعمرك ما هتعمل ده ومعندكش غير طريق الشمال اللى أنت سالكه من سنين مع بنات الناس!!.. أنا من رأيى كفاية عليك البطولة اللى أخدتها والعربية المرسيدس الهدية، وتركز في شغلك وتسيبنا في حالنا لأن طول عمرنا في حالنا ومحدش سامع عننا حاجة وملوش لازمة جو الصور والمعاكسات ده وأنا مبخفش من تهديد حد".
ليرد عليه أحمد العوضي عبر صفحته بفيس بوك قائلا: "أنهي بيت اللي أدخله من بابه.. إن كانت هي اللي بتصرف عليك وعلى ابنك اللي مخبيه وراميه وهي بتدفعله مصاريف مدرسته.. باب إيه يا بني أدخله هو أنا شفت راجل واقف جنبها.. دي واحده انت مبتعملش حاجة غير إنك بتستنزفها هي ومامتها.
وتابع البوست: "باب إيه يابني اللي هدخله من بابه وأكلم واحد بيتكلم على عرضه ولحمه قدام الناس.. يابني أنا من عين شمس منطقة شعبية اتربيت على أن الأخت والأم والست الكلام عليهم من الكبائر.. عربية إيه يابني أنا أجري الحمد لله يعيشني كويس ويجيبلي عربية حلوة وبیت كويس.. بمجهودي وشغلي مش على عرق واحدة ست.. باب إيه يا حبيبي اللي أدخله وانت أصلا عايش باسمها.. أنا شقيت على حالي بعرقي.. لكن أنت فشلت في كل شيء فشلت كممثل وفشلت كأب وفشلت كأخ وفشلت كبني آدم".
لتخرج بعدها الفنانة ياسمين عبدالعزيز عن صمتها وتنشر صورة تجمعها بأحمد العوضي وتعلق عليها قائلة: "بحبك يا أحمد.. ليرد العوضي بنشر نفس الصورة قائلا: بحبك يا ياسمين".
لم ينتهِ الأمر عند ذلك لتخرج طليقة وائل عبدالعزيز لترد على ما كتبه أحمد العوضي عن نجلها قائلة: "أنا طليقة وائل عبد العزيز أخو ياسمين عبد العزيز.. أولا: وائل مش بيصرف على ابنه من يوم ما اتولد وأنا انفصلت منه وابني عنده 5 شهور ولحد دلوقتي ولا بيصرف عليه، ولا حد من أهله بيصرف على ابني غيري.. ابني عنده دلوقتي 11 سنة، مؤخرًا بس من 3 سنين ياسمين قالتلي أنا متكفلة بمصاريف الدراسة دفعت سنتين ومش المصاريف كاملة كمان، وبعد كده قالتلي أنا ظروفي ما تسمحش أدفع مصاريف تاني.. قلتلها إنتي اللي عرضتِ تدفعي. قالتلي (ورجعت في كلامي فيه مشكلة!) ده الموضوع باختصار.. وياريت محدش يجيب سيرة ابني لو سمحتوا.. وحقي وحق ابني حاخده بالقانون".
