في شقة بأحد شوارع منطقة ميت عقبة بالجيزة، تجلس «زينات» بعد أن توفى زوجها ونال منها المرض، وتعيش معها بنفس الشقة ابنتها الوحيدة التى تعانى من نقص الحديد وتلازمها غيبوبة الأنيميا الحادة التى تعانى منها منذ سنوات طويلة.
وتقول «زينات»: «عايشة أنا وبنتى ومالناش حد يصرف علينا بعد وفاة زوجي، وكنت بشتغل أى حاجة تيجى قدامى، وكنت بنضف البيوت، وبمسح السلالم عشان أقدر أعالج بنتى وأصرف عليها، لغاية لما جالى مياه بيضاء على عينى وما بقيتش أقدر أشوف زى الأول، وأصبحت محتاجة أتعالج وعايزة عملية، ولا نملك أى شيء من الدنيا ولا نتقاضى أى معاشات استثنائية أو شهرية».
وتختتم: «أناشد أصحاب القلوب الرحيمة علاجى وابنتي، وتوفير معاش شهرى لنا أو وظيفة لى تكون مناسبة أستطيع العمل بها».
