تمكن الفنان تميم يونس من أن يصبح "تريند" رقم2 على موقع الفيديوهات "يوتيوب" بأحدث كليباته " سالمونيلا" ذلك بعد مرور 24 ساعة على طرحه.
أغنية " سالمونيلا" غناء وكلمات وإخراج تميم يونس، وشاركه بالغناء الفنان محمود العسيلي، وهي من توزيع محمد زهير، محمد الفرة، جيتار محمد عادل، كمان محمد مدحت، استشارة موسيقية أحمد طارق يحيى، ميكس وماستر خالد سند.
وتقول كلماتها:": انا شفتك مرة ف حته في يوم وطلبتي لاتيه فهروحلك نفس الحته لحد ما اقابلك فيه ومش همشي انا قبل ما اخد رقمك ف ماتكسفنيش وان قولتلي لا يلعن ابو شكلك بكره يقابلك حد يقولك لا تلق طعامتك تيجي ف كرامتك تبقى ويجيلك Salmonella سالمونيلا وتصحي فشله وتجري ورايا ماتلحقنيش عشان تبقي تقولي لا.. عشان تبقي تقولي لا لو قولتيلي حاجة غير لا ده انا اجيبلك شبكة وشقة دورين حمام بتكيف واعملك بيتزا ف بيتنا بجبنة تشد بعيد بتمنى اقوم من النوم جمبك ع قد ما اعيش وعسيلي يغني ف فرحنا والكل يهيص اه يا عيني يا ليل يا عيني وطلبتي لاتيه ليه تقولي لا يا بيبي تقولي لا ليه اه يا عيني يا ليل يا عيني وطلبتي لاتيه ليه تقولي لا يا بيبي تقولي لا ليه وارسمك كده في الخباثة ما انا اصلا فنون جميلة واشتركلنا مع صحابي اللي في نادي الجزيرة يمكن اضايقك علشان اصالحك بس واروح واجبلك ورد قبل ما نبتدي خدي جاكيتتي عشان السينما برد بس لو هتقولي لا البيتزا.. هقطعها.. هحدفها.. على عسيلي بيتزايتي.. وانتي مالك وبكعبل خدي بالك والجاكيته ههربدها والرسمه هفرتكها ارفضيني بقرارك انا عادي كده كده بس هجري اقول لكل شاب انك بنت مسكبه بلا فرح بلا شقة عشان تبقي تقولي لا هوبا عادي نسيتك فجأه عنيكي طلعت لينسيز زرقة معايا شنجن وانتي لا عشان تبقي تقولي لا.. عشان تبقي تقولي لا".
يشار إلى أن تميم يونس حقق شهرته عبر وسائل التواصل الاجتماعي عبر أغنية "إنتي أي كلام" التي تتكون كلماتها من اسمها وفقط، واشتهر بتقديم برنامجه الكوميدى عبر يوتيوب "رسينى"، كما أنه أحد مخرجى برنامج العرائس الشهير "أبلة فاهيتا"، وشارك مع المخرج عمرو سلامة بالتمثيل بفيلم "لا مؤاخذة".
