قال الرئيس عبدالفتاح السيسي: "إحنا بنشرح الكلام اللي ليه علاقة بالكهرباء لكل الناس في مصر مش للحكومة ولا ليا، بنقوله لكل مواطن ممكن حد يشككه أو يقلقه أو أن الأمور مش ماشية مظبوط لا طبعا"، مشيرًا إلى أنه تم ضخ أكثر من نصف تريليون جنيه مصر في قطاع واحد من قطاعات الدولة، حيث بلغ عددها 615 مليار جنيه.
وأضاف السيسي في تعليقه على كلمة الدكتور محمد شاكر وزير الكهرباء، خلال افتتاح عدد من المشروعات القومية بمدينة دمياط الجديدة، اليوم الثلاثاء: "الدولة صرفت عشان تخلي خدمة الحصول على الكهرباء أفضل مما كنا عليه، وزي ما وزير الكهرباء اتكلم في 3 حاجات، دول اللي يهمني أن الناس في مصر تعرفه الإنتاج اللي كان نحو 24 أو 25 ألف ميجاوات زودنا عليهم 28 ألف، أي أننا ضاعفنا الخدمة خلال 5 سنين".
وأكد السيسي، أن الكمية اللي مصر أنتجتها في الـ50 أو 60 سنة الماضيين، ضاعفتهم في الـ5 سنين اللي فاتوا، بقولكم الكلام دا عشان تعرفوا يا مصريين أنكم السبب في التطوير دا، والكهرباء معناها تنمية وحياة".
