طلعت عبدالرحمن الشريف، هو شاعر كبير وإن لم يسلط عليه الضوء بعد، يجيد حرفية خاصة في اختيار قصائده، يملك الأدوات العالية التي تمنحه مساحة كبيرة من التمييز في كتابة وإلقاء الشعر بين جيله من الشعراء خاصة الجنوبيين منهم، هو حالة خاصة من الإبداع ، وهو أيضا من الشعراء القلائل الذين يتغنون بهذا الوطن حبا وهياما في تاريخه وأمجاده وثوراته ، ويحنون في الوقت نفسه إلى الجنوب حيث الموطن، هنا قصيدة عن الصعيد، يشدو فيها "الشريف" بأحلى الكلمات ويكشف جانبا آخر عن شهامة الصعيدي، وحب الجنوبي للبلاد والأوطان، القصيدة ألقاها الشريف، قبل أيام في صالون الشرقية الثقافي، حضره مجموعة كبيرة من الشعراء والمثقفين والفنانين ، بينهم الفنان والمطرب الكبير أحمد فوزي أمين صندوق نقابة الموسيقيين ، نص القصيدة :
ــ
أنا ليا عاداتي وتقاليدي
أصلي صعيدي
اللي يروح مني بالقوة..
إتعلمت إنجيبه...
بإيدي.
واللي يقدرني بتقديري..
عمي وسيدي.
واللي يحس اللي جوايا..
يبقى حبيبي.
إتربيت وكبرت صعيدي.
عمري منزعل م الأيام..
أصلي مآمن...
إن اللي يصيبني...
دا نصيبي.
أصلي صعيدي...
ويابخت اللي أساسه صعيدى.
******
إتربيت...
إن الست عمود البيت.
كان أبوي دايما يقولي يا ولدي..
مهما رحت ومهما جيت ..
ومهما في براح أرض الله ...
وفي الكون لفيت.
عمرك يا وليدي م راح تسعد.
إلا إذا كنت هترجع بيتك تلقى المسند.
اللي عليه هتريح ضهرك..
واللي في وقت الحزن يا ولدي..
ينسيك قهرك.
واللي لا يمكن هيكون طاهر...
إلا بطهرك
مرتك...أرضك!!
وطنك...عرضك!!
عامل ربك دايما فيها..
وهتديك كد متديها.
******
عارف ليه الست يا ولدي؟؟
لما تنادي حدانا لست!!!..
مكنتش تقولها يا فلانة.!!!
ومهياش عن إسمها تايهة..
أو غفلانة.
كانت لما تنادي عليها تقول...(مستورة).
تعرف إيه معنى المستورة؟؟!!!
المستورة أجمل صورة.
شمعة وقايدة ف قلب قارورة.
يبقى يا ولدي...
اللي معاه شمعة يداريها.
ميسيبهاش للهوا يطفيها.
أو لنسيم غدار يلاعبها ويلعب بيها.
******
أنا دلوقتي فهمت كلامه.
إن الزوجة الصالحة الطايعة ...
حلم الراجل....
أكبر أصلا من أحلامه.
وأنا عايزك بس يادوب ليا..
صالحة تقية..
طاهرة نقية..
سندي..بلدي..أرضي..عرضي..
لكن بشروطي وبعوايدي..
لازم ترضي.
******
أما يجيلك قال إيه ميشو..!!
ويرسم على ضهرك تات توه...
ياخي هاه هوه...!!
يلعن أبوكي ويلعن أبوه.
يلعن أفكارك لو عدت مرة عاداتي.
واللي إتربينا عليه إنا وإخواتي.
أنا ده طبعي وديه حياتي.
لو قابلها ...
كنت إنشيلك من فوق..
راسى لحد مماتي.
ولو رافضاها تبقي إخترتي.
وغواكي شيطانك وخسرتي .
ولما تلاقي اللي بأفكارك دي ترضيه.
أشبعي بيه..
الله يهنيكي ويهنيه.
أما أنا واحد شايف إنك..
بالأفكار دي إنك بتلغيه.
حتى إن كنتي أميرة في قصرك.
حتى إن كان العصر دا عصرك.
قلبي أنا قلب إتربى صعيدي...
وأي صعيدي محال تلغيه.
عمر المبدأ مبيتجزأ...
ودا مبدأي وأنا عايش بيه.
أصلي صعيدي...
عايش بعاداتي وتقاليدي.
ويا بخت اللي أساسه صعيدي.
ــ
أنا ليا عاداتي وتقاليدي
أصلي صعيدي
اللي يروح مني بالقوة..
إتعلمت إنجيبه...
بإيدي.
واللي يقدرني بتقديري..
عمي وسيدي.
واللي يحس اللي جوايا..
يبقى حبيبي.
إتربيت وكبرت صعيدي.
عمري منزعل م الأيام..
أصلي مآمن...
إن اللي يصيبني...
دا نصيبي.
أصلي صعيدي...
ويابخت اللي أساسه صعيدى.
******
إتربيت...
إن الست عمود البيت.
كان أبوي دايما يقولي يا ولدي..
مهما رحت ومهما جيت ..
ومهما في براح أرض الله ...
وفي الكون لفيت.
عمرك يا وليدي م راح تسعد.
إلا إذا كنت هترجع بيتك تلقى المسند.
اللي عليه هتريح ضهرك..
واللي في وقت الحزن يا ولدي..
ينسيك قهرك.
واللي لا يمكن هيكون طاهر...
إلا بطهرك
مرتك...أرضك!!
وطنك...عرضك!!
عامل ربك دايما فيها..
وهتديك كد متديها.
******
عارف ليه الست يا ولدي؟؟
لما تنادي حدانا لست!!!..
مكنتش تقولها يا فلانة.!!!
ومهياش عن إسمها تايهة..
أو غفلانة.
كانت لما تنادي عليها تقول...(مستورة).
تعرف إيه معنى المستورة؟؟!!!
المستورة أجمل صورة.
شمعة وقايدة ف قلب قارورة.
يبقى يا ولدي...
اللي معاه شمعة يداريها.
ميسيبهاش للهوا يطفيها.
أو لنسيم غدار يلاعبها ويلعب بيها.
******
أنا دلوقتي فهمت كلامه.
إن الزوجة الصالحة الطايعة ...
حلم الراجل....
أكبر أصلا من أحلامه.
وأنا عايزك بس يادوب ليا..
صالحة تقية..
طاهرة نقية..
سندي..بلدي..أرضي..عرضي..
لكن بشروطي وبعوايدي..
لازم ترضي.
******
أما يجيلك قال إيه ميشو..!!
ويرسم على ضهرك تات توه...
ياخي هاه هوه...!!
يلعن أبوكي ويلعن أبوه.
يلعن أفكارك لو عدت مرة عاداتي.
واللي إتربينا عليه إنا وإخواتي.
أنا ده طبعي وديه حياتي.
لو قابلها ...
كنت إنشيلك من فوق..
راسى لحد مماتي.
ولو رافضاها تبقي إخترتي.
وغواكي شيطانك وخسرتي .
ولما تلاقي اللي بأفكارك دي ترضيه.
أشبعي بيه..
الله يهنيكي ويهنيه.
أما أنا واحد شايف إنك..
بالأفكار دي إنك بتلغيه.
حتى إن كنتي أميرة في قصرك.
حتى إن كان العصر دا عصرك.
قلبي أنا قلب إتربى صعيدي...
وأي صعيدي محال تلغيه.
عمر المبدأ مبيتجزأ...
ودا مبدأي وأنا عايش بيه.
أصلي صعيدي...
عايش بعاداتي وتقاليدي.
ويا بخت اللي أساسه صعيدي.
