ما محبة إلا بعد عداوة
مثال أتقال من أجدادنا
واللسان نقط حلاوة
بيه نتودد لأحبابنا
ويتمدد لحد القلب
ومن قلبى إلى قلبك
هالة من الغموض حولك
وصراع جوايا فاجئنى
هز كيانى وفزعنى
طرف بعيد شايفك عنيدة
طرف تانى دا كان حضنك
صياد كنتى وانا الصيدة
قدرتى وانتى مش بقصدك
المهيب إنك غريبة
بينا يدوب لحظة لقى
مش عجيب
أن إحنا سبب التفرقة
أن الهجوم
كان لغة واحدة لارتباكنا وأن خفنا
من شباكنا فاشتبكنا
دى الحقيقة مقولكيش
قد أيه فكرت فيكى
حاجه فيا بتناديكى
مش غريبة البصة ليكى
شغلتينى
نورتى أوى فعينى
وأتمنيت
تخلى الناس من الدنيا
أو أن يبقى جامعنا بيت
عينك وعينى أما التقوا
حسيت
أنى تهت فنص ثانية
وأن حضنك حاجة تانية
العيون الحلوة فيها
تحلى من رسمة عنيها
ولا طيبة الطفولة
اللى لسه ماسكة فيها
جمال جديد ايه العبارة
اطلبولى يا ناس أيديها
دى بنتى الحلوة بنضارة
كل الحدود اللى بنيتها
هدتيها وقمتى مارة
جوا قلبى
كل المساحة احتلتيها
يوم خناقنا مناسبة سارة
عشان عرفنا بعض فيها
