تحت عنوان "أنا من البلد دي" نشر الفنان محمد التاجي فيديو على صفحته بموقع التواصل الاجتماعي "فيس بوك" أكد خلالها أنه يعشق تراب مصر، وأنه هو وأولاده وأحفاده يعيشون فيها وسوف يظلوا بها مهما حدث، كما انتقد بشدة الدعاوى التخريبية التي أطلقها الهارب محمد على مؤخرًا.
وأضاف: "البلد دي بلد ولادي وأحفادي وإحنا كشعب مصر واللي زيي كده كتير جدًا، عمرنا ما اتعودنا نطلع نهاجم، إحنا عشنا فيها وشربنا مرها وكلنا حلوها، وعمرنا ما رفضنا الشيء المر فيها، جدي الله يرحمه لما جه يسمي أولاده سماهم أسماء فرعونية، وبعد عن الأسماء التركية اللي كانت دارجة اليومين دول واللي ملهاش أصل عندنا كمصريين، لانه كان رافض الأسماء دي".
وتابع: "إحنا مسبناش البلد دي البلد دي مفتوحة علشان اللي بيهرب من بلده بيجي عندنا، اللي بيحاولوا يوقعونا النهاردة عايزينا نسيب البلد، اذا كان شوية عيال وصيع وخرجوا برة مصر وبيعملوا زعماء، واقول لكل واحد فيهم، انت بني ادم خايب انت جريت برة وقبضت علشان تهاجم مصر، والبهوات اللي قاعدين في تركيا بيهاجموا، وبتدافعوا عن الإرهاب بفلوسهم، لو رجل فيكم يخش البلد دي، سيبونا في حالنا وسيبوا بلدنا لينا احنا راضيي، انت بعت اهلك وجريت، انا عمري ما سمعت عنك غير لما طلعت بره وبديت تهاجمنا، انا اسف اني في مرة عملت دور والد هشام عبدالله في عمل فني، لانه ولد غير مشرف".
وأنهى الفيديو قائلًا: "اللي عامل فيها سلطان بتاع تركيا والمخنث القطري، والهاربين محمد على وعمرو واكد وهشام عبدالله وخالد ابوالنجا بقولهم كلهم مش هتسخنوننا تاني، وخليكم انتم اقبضوا فلوس حرام، أنا فنان مصري اسمي محمد التاجي، جدوري من سوهاج وهعيش في البلد دي وولادي وأحفادي مش هيخرجوا منها ".
