نشر المنتج الكبير تامر مرسي، رئيس الشركة المتحدة للخدمات الإعلامية، فيديو على صفحته بموقع التواصل الاجتماعي "فيس بوك" للفنان أحمد العوضي، وتضمن الفيديو رسائل نارية من العوضي للهارب محمد علي.
وحصل الفيديو بعد دقائق من نشره على صفحتي تامر مرسي وأحمد العوضي على مئات المشاهدات والمشاركات، ومن المتوقع أن تزداد هذه المشاهدات وأن يستكمل العوضي بفيديوهات أخرى قريبًا.
وقال العوضي، إن هناك من قال على محمد علي إنه شبيه له، وأنه أصر على عمل هذا الفيديو للرد على كذب وافتراء "علي"، وقال له "أنت طالع وعامل نفسك شبح وبطل العالم في الشبحنة، وبتقول على نفسك أنك من منطقة شعبية، لكن عايز أقولك أن الرجولة فيس تو فيس مش على الفيس، وأنت فتحت عركة بدأتها بأنك اتنصب عليك بملايين، لو دكر دافع عن حقك وتعالى واجه وانت في مصر، ولو أنت دكر فعلًا وقلبك على الغلابة كنت عملت بـ 10 ملايين شغلت فيه ناس خصصت أرباحه لناس تانية غلابة، لكن تعمل فيلم ب 27 مليون جنيه علشان توصل رسالة.. الرسالة في الموبايل".
وأضاف العوضي: "إنت طلعت تبيع، وبدأت الحوار أنك قلت عايز تجيب حقك، قلت في أول فيديو اتنصب عليك واشترينا وشفنا منك أول فيديو، وقلت معاك أدلة وبراهين، وبعد كده قلت أنك مش عايز الفلوس وأنك مع الشعب، وبدأت فجأة تهاجم شخص الرئيس، وقعدت ترفع حواجبك وفي ناس قالوا إنك شبهي لكن أنا ما يشرفنيش أصلًا ".
واستطرد العوضي: "بعد شهرين بتقول عليهم فاسدين، لو إنت دكر وعلى وضعك كنت سحبت نفسك، لكن أنت أمنت نفسك ورحت إسبانيا وعملت شركة، وبتفتخر انك بتعرف نسوان وبتشرب مخدرات يعني كده انت كده حاسس بالغلابة إمتى كنت من الغلابة، هو في حد غلبان يعمل فيلم ب 27 مليون جنيه، طب والمسلسل اللي دفعت فيه 4 ملايين جنيه للمنتج علشان تشارك فيه، إنت فشلت كممثل وعملت نمرة مع اللي كنت شغال معاهم، إنت لو عندك عركة تعالى هنا وانا في ضهرك، بتسخن الناس تخرب البلد وبالليل تروح تسكر، أنت عايز تضحي بملايين الناس علشانك انت، عايز أقولك وسط الزحمة المصلحة بتبقى واحدة لكن النيات بتختلف، وإنت عامل زي النسوان عاوز الرجالة تتخانقلك، إنت عيل مش تمام وكداب وعندك هوس الشهرة، اللي معاك بيشجعك دلوقتي لكن هيصفيك بعدين".
