رئيس مجلس الإدارة ورئيس التحرير
عبد الرحيم علي
رئيس التحرير التنفيذي
داليا عبد الرحيم

صوت الناس.. "أحلام" في الحياة مجرد اسم.. تبيع المناديل أمام المترو وتحلم بـ"عمرة"

الجمعة 09/أغسطس/2019 - 07:06 ص
السيدة احلام
السيدة احلام
كتب- على خليفة وأسماء مختار
طباعة
أمام محطة المترو تجلس «أحلام»، سيدة تبلغ من العمر ٦٤ عاما، تبيع المناديل، وتحلم بتوفير المال لعلاجها والقيام برحلة «عمرة» إلى بيت الله.
تقول «أحلام» الشهيرة بـ«أم محمود»: كنت فى البداية بشتغل بائعة فاكهة أنا وزوجي، ومنذ أن توفى زوجى لم أستطع الذهاب إلى الشادر لشراء الفاكهة، وقمت بعدها بعمل نصبة شاى فى الشارع، ولكن كبرت سنى، ولم أستطع القيام بالعمل قائلة «السن بيحكم».
وتابعت أحلام، «زوجى توفى منذ ١٨ عاما، وترك ٩ أولاد أربع بنات وخمس ولاد، ٣ منهم مش متزوجين، و٢ مكملين تعليمهم، واحد بيشتغل ميكانيكى سيارات والتانى جرسون، كافحت من أجلهم زوجت ٧ منهم ومعايا بنتين، وبعد كفاحى وتعبى من أجلهم تركونى أنا وباقى إخواتهم، ولم أجد من يساعدنى منهم ويمد لى يد العون، وحاليا ببيع مناديل وبانزل من البيت ٦ الصبح وبرجع ٦ بالليل، بشتغل ١٢ ساعة، وأهل الخير بيساعدونى بملابس مستعملة، وفى الأعياد يساعدونا بأكل، وبعض منهم يساعدنى فى شراء المناديل، وبعض الناس نظرتهم لينا أنى بشحت، لكنى بشتغل من أجل كسب لقمة عيش بالحلال والشغل مش عيب، وأنا مريضة كبد وباصرف ١٥٠٠ كل ١٥ يوما، وأهل الخير بيساعدونى فى علاجي».
واختتمت أحلام، «كل اللى بتمناه ونفسى ربنا يحققهولى أطلع عمرة، وألقى ربنا وأنا خالية من ذنوب إن كنت ارتكبتها من غير علم».

الكلمات المفتاحية

"
من ترشح لقيادة منتخب مصر؟

من ترشح لقيادة منتخب مصر؟