تحدث جمال عبد الحميد نجم الزمالك السابق على اقتراب حسم النادي الأهلي لبطولة الدوري بعد أن كان قد أكد في وقت سابق أن الدوري للزمالك.
وقال جمال عبد الحميد في تصريحات إعلامية "كان عندنا دكة حلوة، أي لاعب كان يقدر يغير المباراة، لكن عندك لعيبة إتلعب في دماغها بجانب وجود خذلان من بعض اللاعبين".
متابعًا "الزمالك إللي واخد على المكسب كنت واثق ألف في المية إن مهما الأهلي عمل مش هيعرف يقلل الفارق مع الزمالك لكن ده قلل الفارق وفرق كمان عن الزمالك وبقى المنافس الأول".
واستكمل جمال عبد الحميد "يا إما إحنا مش بنعرف نقيم اللاعبين يا إما اللعيبة مش حاسة بقيمة نادي الزمالك وأن البطولة دي مهمة للجماهير".
مضيفًا "إتلعب في دماغ لعيبة كتير زي كهربا، واضح إن جروس كان عنده حق إنه بيلعب بمجموعة لعيبة واحدة".
واختتم جمال عبد الحميد "متضايق بشكل شخصي لإني كان عندي ثقة عمياء في اللاعبين واتحديت الجميع بفوز الزمالك بالدوري".
