يعانى سكان شارع مساكن المستقبل، بمنطقة العجوزة، التابعة لمحافظة الجيزة، من الانقطاع المستمر للمياه منذ أكثر من عام، ولا تعود المياه إلا فى أوقات متأخرة ليلا، ولمدة ساعة واحدة فقط، ما يشكل عائقا كبيرا على تلبية احتياجاتهم.
يقول «الحاجة بدر الصباح»: «إحنا بنطالب بأبسط حقوقنا كمصريين، إن الميه تتوفر فى بيوتنا، ليه نفضل عايشين فى العذاب ده كله، والموضوع ممكن يتحل بسهولة، لو حد من المسئولين تابع معانا، افتكر دا مش حاجة مستحيلة بالنسبة للمسئولين».
وتضيف «أم محمد»، أحد سكان الشارع: «إحنا منطقة حيوية، وبها محلات تجارية كتير، وأنا ست عجوزة ومريضة مش بلحق أملأ الميه بالليل، وتعبنا من كتر الشكاوى، غير أن أقل فاتورة مياه بتيجى 150 جنيها للفرد، إزاى ده ومفيش مياه، ومفيش حد سائل فينا وتعبنا من كتر الشكاوى».
