قال الفنان أحمد سعد، إنه تم طرده أكثر من مكان في بداية حياته الفنية بسبب غروره الزائد.
وأضاف سعد، خلال استضافته ببرنامج "شيخ الحارة" المذاع عبر فضائية القاهرة والناس، اليوم الجمعة: "فاروق الشرنوبي كان متبنيني كصوت في بداية حياتى ومكنش حد يعرفني خالص من وأنا عندي 14 سنة، والناس كانت بتشيد بصوتي واتغريت، ودخلت مهرجان الإذاعة العربية، وكان مهرجان كبير أوي، وقدموني، ودخلت استديو 45 في الإذاعة، ودخلت وكلي غرور، والناس قعدت تسمعني، قولتلهم أنا حاسس إني واقف في لجنة، وقولت الكلمة دي أدوني شنطة هدومي وروحوني".
وتابع: "كانوا بيدوا للكورال 1200 جنيه، قالولي روح كورال، ودخلت بشموخ للكورال، وقولتلهم أنا مستعد أبقى معاكو كورال، ورد قال إحنا مش مستعدين يا حبيبي، وقالي برة، وطردني فخدت بطانيتي وطلعت 3 أيام في سبيل الله مع خالد جمعة".
