أزمة كبيرة نشبت بين الفنانة ميرفت وجدي والمنتج ميدو منيب، بسبب أغنية "عد الجمايل" والتي كان من المقرر أن تصورها ميرفت على طريقة الفيديو كليب الفترة الماضية بعد أن انتهت من تسجيلها منذ فترة.
وكتبت ميرفت على صفحتها الشخصية على موقع التواصل الاجتماعي فيس بوك قائلة: "من فترة كلمني وكان عايز ينتجلي كليب أنا أصلا مخلصة ألبومي الجديد اللي نازل بعد العيد ومصورة ٨ أغاني يعني مش محتاجة كليبات".
وأضافت: "المهم أني قولتله تمام معنديش مشكلة، ويلا بينا بعدها كلمني روحت غنيت الأغنية، وسجلتها وكلمني بعد التسجيل بفترة مش قصيرة قالي هنصور في فيلا في أكتوبر الحزام الأخضر كليبين قلت: مش مشكلة، يمكن عشان البادجيت روحت لقيت ميدو بيصور ١١ كليب في يوم تصوير كامل يعني علي يومين مطبق في الفيلا وأفتكر أن المخرجين اللي عندي يعرفوا الفيلا فين لأن كلنا صورنا فيها، وأنا شخصيا صورت فيها بنت البلد طبعا لا اسمي ولا كيان ميرفت وجدي اللي تمتلك أكتر من ٧ سينجل وألبوم ١٠ أغاني وكليبات وأعمال كثيرة يسمحلي أني أقل من نفسي وأصور بالطريقة دي ف انسحبت من التصوير ومشيت.
وتابعت: "كلمته قولتله عيب قوي أنك تضحك عليا وتجيبني واتفاجأ بده كله قالي وعد الأغنية ليكي مش لحد تاني قولتله أنت هضيع تعبي فيها لو مش هتصورها أنا هشتريها منك قالي لا بتاعتك الأستاذ المحترم بكلّمه بقالي أكتر من ٣ أيام لاني هصور كليبين يوم السبت، وكنت هنتج تصوير عد الجمايل وكان اسمه هينزل عليها بردوا هو مبيردش وonline وبيشوف كلامي ومش بيرد طبعا ده ملهوش تفسير تاني غير اللي انتوا فهمتوه انا هقولك كلمة وحدة بس حسبي الله ونعم الوكيل وأنا قدام الناس بقولك أنت وكل المنتجين الفشلة اللي زيك إن شاء الله عمرك ماهتشوف نجاح ولا خير جزاء ما ضيعت تعبي في الأغنية اللي أنا بحبها جدا، وهيا من كلمات Salma Raasheed وألحان محمد خلف وتوزيع Hazem El-Saeed اللي لازم يعرفوا أني مقصرتش وكنت عايزة اشتريها منه وأصورها والأستاذ بعد ما شقاني في الأغنية مبيردش من غير سبب أنا هشتكيك في النقابة، وحقي مش هسيبه؛ لأن أنا تعبت في الأغنية دي والناس اللي فاكرة الغنا سهل لا مش سهل وأنا بقولك يا ميدو حقي مش هسيبه وياريت تساعدوني وتشيروا البوست ده عشان الناس تعرف حقيقته وشيرررر بعد إذنكم.
