خرجت مصطحبة زوجها تاركة ابنتها التي لم تتعد الـ3 سنوات من عمرها مع والدتها، وتركت أيضًا كتبها بحي السيدة زينب لتتمكن من مساندة زوجها في يوم شم النسيم.
تقول سمر حسن صاحبة الـ25 من عمرها، التي تدرس المحاسبة بجامعة حلوان: "قلت أساعد جوزي.. نزلت من شهر أرسم بالألوان للأطفال، وأنا كنت بحب الرسم أصلًا، وكنت ببوظ وش العيال، لأني مكنتش بعرف أرسم قوي، بس لما اتعلمت وبقيت برسم كويس سبت الألوان لجوزي وبقيت أرسم أنا حنة للبنات، خصوصًا أن البنات بتتكسف يرسملها شاب، فبتجيلي أنا لأن أنا البنت الوحيدة اللي بترسم هنا".
وأضافت: "منها برفه عن نفسي ومنها بشتغل وبجيب مصاريف جامعتي، خصوصًا أن رسمة الحنة من 10 لـ15 جنيها أما رسم الوش بالألوان بـ7 جنيهات، واليوم دة بالذات بيبقى الناس كتير واللي بتيجي ترسم بتيجي مع أختها أو صاحبتها وهكذا وربنا بيرزق".