يعانى سكان منطقة عزبة النخل والمرج من سوء خدمة «السنترال» بشكل دائم بسبب الأسلاك المتهالكة والتى تتسبب فى انقطاع حرارة الهاتف وبطء شبكة الإنترنت، مؤكدين أن العمال بـ«سنترال المرج» نادرًا ما تجدهم يقدمون أعذارًا لعملائهم بل يقابلون الشكاوى المقدمة إليهم بمعاملة سيئة حتى لا يعاود المتضررون الشكوى مرة أخرى. يقول أحمد عماد، أحد سكان المنطقة، إنه ظل ٣ سنوات يتردد على سنترال المرج لتركيب خط تليفون أرضى فى منزله، وما هى إلا أيام قليلة وبدأ «عماد» يشعر بسوء الخدمة التى انتظرها طوال الثلاثة أعوام، بالإضافة إلى أن غيره من أصحاب المحسوبية استطاع إدخال خط أرضى فى منزله بالأسبوع الأول من تقديم الطلب.
وتابع ممدوح نبيل: «أنا من ٢٠١٥ لحد النهاردة التليفون مجاش عندى وكل ما اسأل يقولولى استنى لحد آخر الشهر، وآخر مرة روحت أسأل فيها اللى قاعدة ع المكتب قالتلى متجيش تانى ولما يركبوا كابينة هجيبلك التليفون حرام ده ولا حلال».
ويختتم أبانوب صبحي «أنا قدمت وفعلًا قالولى مفيش مكان فاضى عندك وصل الخط الأرضى بعد سنة ونص أو أكتر وبعد ما وصل النت ضعيف جدًا، وبيقطع أكتر من ٥ أيام يا ريت الشركة تشوف حل لهذه المشكلة.