قال الروائي أدهم العبودي إن موظفي قصر ثقافة الأقصر يقومون بعمل فعاليات وهمية تابعة لفرع ثقافة الأقصر، والتي يتم ترتيبها على الأوراق دون تفعيلها أو إبلاغ من تم وضع أسماؤهم للمشاركة فيها.
وكتب العبودي، ويعمل كمحام بمحافظة الأقصر، على صفحته بموقع التواصل الاجتماعي فيسبوك: "فساد قصور الثقافة يا د. أحمد عواض..!!!
ده جزء من برنامج فرع ثقافة الأقصر لشهر مارس، الجزء اللي يخصني، حضرتي موجود لوحدي في ندوتين، ندوة يوم ١٦ وندوة يوم ١٨ مارس.
الغريب إن محدش بلغني، الأغرب إن موعد الندوتين عدا خلاص، الأغرب بقى والأغرب إن البهوات المسئولين عن تسوية المسخرة دي ميعرفوش إن فيه اختراع اسمه جوجل وممكن الحاجات اللي بيسترزقوا من وراها تقع في إيدينا بالصدفة.
المسخرة الكبرى بقى إن الندوتين عنوانهم واحد.
وعلشان ياخدوا راحتهم في التسوية كاتبين "مركزي" وأنا أساسًا مش مركزي ورفضت أقدم مركزي.
أنا بعتبر ده بلاغ لرئيس هيئة قصور الثقافة ولوزيرة الثقافة.
الله أعلم الواحد اسمه اتحط في كام ندوة واتعمل بيها تسويات مالية....!!!".
