أشاد المخرج مجدي الهواري بموهبة الفنانه روبي، عبر صفحته الرسمية بشبكة التواصل الاجتماعي "فيس بوك"، متعجبا من عدم اتخاذها مكانة أكبر في الوسط الفني، وكتب الهواري قائلا:"سؤال_محيرني: هي ليه حد بحجم موهبة #روبي في التمثيل مش واخده حقها عندنا !!يمكن علشان مابدأتش بالعمل زي العظيمة #فاتن_حمامة ولا زي الساحرة #سعاد_حسني وكتير كتير هنا وبره جاتلهم الفرصة من أول يوم وعلشان كده الانطباع الأول بيفضل مسيطر !!! من وجهة نظري ديه لو بره وبحجم موهبتها ديه وسنها الصغير ده ممكن تبقى واحدة من #الكبار أوي خالص.. لأنها صوت وصورة واحساس وطعم معندناش زيه.
وأضاف: زي #العالميات وكتير منهن مش عايز اذكر حد من هنا علشان مبقاش الدبة اللي كلت صاحبها وبدل ما البوست ده يبقي في مصلحة روبي يتحول ضدها لو جبت سيرة حد من عمالقة النجمات، في العقود الأخيرة من تاريخ الفن المصري وعقدت مقارنة لا قدر الله ولا سمح الله ولا حاجة اللي كلهم كانت بدايتهم مش جامده خالص وتألقوا بعد كده واثبتوا أنهم موهبين زي روبي في المسلسل اللي بيتعرض دلوقتي ومحدش كتير واخد باله منه.. وسحر التمثيل اللي بتمثله وإزاي بتفصلك عن عملك وصناعتك وتطير معاها بإحساس موهوبة إلى عالم التصديق !! ومش هاخاف وأنا بقول كده بكل شجاعة ومش هيهمني الناس اللي شايفة ده ومش قادرة تقولوا علشان هي ياعيني معملتش دور في حياتها يخلينا نقدرها بالشكل الكافي وحتى لو كانت بدأت بــ #ليه_بيداري_كده !!
براڤو روبي am a big fan.
