«ربنا يقويكم وتحافظوا على الأمن والنظام، والشرطة بتعمل كماين أمنية كتير فى الشوارع، عشان يحافظوا علينا، وبتمنالهم كل خير»، كلمات خرجت من فم «سائق حنطور» عجوز بسيط، يتجاوز السبعين عاما، فى الشارع الفيومي يدعى أنور هاشم أبوالقاسم.
وشاركته الرأي، أم كريم ربة منزل، مشيدة بدورهم قائلة «شغالين بما يرضى الله وتعبانين وهما مش مقصرين فى حاجة، وكل ما شاب بيروح الجيش، بقوله ربنا يحميك يا بنى لأن دول برضو عيالنا، وأقولهم كل سنة وهما طيبين».
وشاركهما فى الرسالة، أحد عمال النظافة، أثناء قيامه بتنظيف الشوارع، قبيل الاحتفال بذكرى عيد الشرطة، بقوله: «ربنا يحمى الشرطة والجيش هما اللى ساندين البلد، ومن غيرهم مالناش عازه، وكل سنة وهما طيبين».
فيما قالت، هدى عبدالسلام، معلمة، إن الشرطة تبذل جهودا ضخمة لحفظ الأمن فى ربوع مصر، خاصة محافظة الفيوم، ذات الطبيعة السياحية، وأن الانتشار الأمنى فى كل الشوارع والمناطق جعلهم يتحركون بحرية على مدار الـ ٢٤ ساعة من خلال تعدد القول الأمني، وعكس ذلك طمأنينة بين المواطنين.
