ست البنات
سابت سنين
ع الشماعات
فضلت تردد
فى الآهات
واتعلقت بالذكريات
ساقها الحنين
حتى الممات
والليل فى ديل
المهمومين
والنضج دين
وقت السكات
ست البنات
بدأت تحس
بدون العياط
مش كل شىء
لازم يبيد التانى
البنت عايشة
ع الأغاني
والحزن دايما
صوته عالي
ولا ساكن فى الأعالى؟
والكل مش داري
بسؤالي
الكل أصلا
لا يبالي
داروين رفض
كل الحلول الممكنة
يومها انتفض
لما انتقى
أجمل سلالة
فى الليالى المظلمة
هى العدالة
لكل حاجة محزنة
هى العيون المسكرة
هى الهنا والدندنة
خمرك حلال
يا بنت حواء أبشري
أعقلي، هذا الجمال
واتأثري
زى الجميع
ربك بديع
بس أنتِ م الحكايات
م الممنوعات
ع العقل
ودفاع عن التخاريف
نورك كطيف
مفارقش وجداني
طيفك أناني
مبيفارقش العين
وأنا لسه بين الضفتين
ما رسيت
بين البينين
بس الهوى بيزيد
أنا لسه طفل ورافض التجنيد
ما بحب قيد
لو حتى هيسعني
ما بحب شعري
لو جرنى بأيديه
الحر قال الحب لا يعنيه
غمض عينيه
هربان من البدايات
الحر عاش
بس الهوى جلاد.
