عبر الفنان تامر حسنى، عن سعادته بتحقيقه 3 أحلام في عام 2018، مؤكدا أن من ضمنها تحقيق فيلمه "البدلة" أعلى الإيرادات في تاريخ السينما المصرية.
وقال "حسني" عبر صفحته الرسمية بموقع التواصل الاجتماعي "فيس بوك" اليوم الخميس: "مساء الورد على أغلى ناس.. في الحقيقه مش بحب اتكلم عن أرقام إيرادات أفلامي بس سامحوني المره دي مضطر أتكلم وبتكلم وأنا فرحان من كل قلبي.. النهارده فيلم البدلة حقق رقم استثنائي أول مره يحصل حقق أعلى رقم في تاريخ السينما المصريه والعربيه داخل مصر وخارجها".
وتابع: "كان لازم أفرح ونفرح مع بعض وكان لازم التاريخ يشهد على التحقيق ده عشان كان حلم من أحلامي لأني في الأصل مطرب.. وكانت أمنيتي أحقق ده في السينما ومش فكرة إيراد قد ماهو إجماع شعبي جماهيري على الذهاب للفيلم والإشادة به و ثانياً لإنه فكرتي.. وطبعاً ده نجاح كل فريق العمل المحترم والروح الجميله الطيبه اللي كانت بينا هي السبب في ده".
أوضح: "فرحتي الثانيه لأن السنة دي ألبوم عيش بشوقك حقق أعلى مبيعات الحمدلله الحمدلله الحمدلله.. أما عن فرحة عمري الكبيرة بالنسبة ليا أن ٢٠١٨ السنه اللي شفت فيها ابني آدم.. ربنا يحفظه ويجعله ظهر وسند لإخواته ويحميكم ويسعدكم انتم وإخواتكم و أولادكم و آبائكم شكراً".
