لها هواياتها المتعددة، وتحلم مثل باقى الأطفال فى عمرها بالنجومية والوصول إلى العالمية، نغم إسلام محمد، التى وهبها الله تعالى ذكاء يفوق سنوات عمرها القلائل، فبالرغم من أنها لم تتجاوز الست سنوات، إلا أنها تتميز بالفطنة واللباقة، تقضى معظم وقتها فى دراسة وحفظ القرآن، فنادر ما تراها تلعب بالألعاب مثل أقرانها من الأطفال، أما عن وقت فراغها فهى تشغله بالرسم وتلوين اللوحات.
وعندما تسألها عن حلمها تجاوب بكل براءة: «أنا عاوزه أبقى مدرسة علشان أبقى زى «الميس بتاعتي» ليس هذا فقط كل ما يميز الطفلة «نغم» ولكنها عندما ترى والدتها فى المطبخ لتعد لهم وجبة الغداء يدفعها فضولها إلى الوقوف بجانبها لمعرفة كيفية إعداد هذه الوجبة، بل فى بعض الأحيان تحاول أن تجرب بنفسها إعداد الطبخة التى شاهدت طريقة إعدادها على التلفاز.
وفى حوار دار بينهما..
■ أنتِ فى سنة كام يا نغم؟
كى جى ٢.
■ إيه أكتر حاجة بتحبيها؟
أنا بحب أحفظ القرآن علشان أدخل الجنة وبحب أشوف كارتون.
■ إيه هى هوايتك المفضلة؟
بحب الرسم والألوان والسباحة.
■ مين مثلك الأعلى؟
أنا مثلى الأعلى الميس بتاعتى وعاوزه أبقى زيها لما أكبر.
■ بتحبى تتفرجى على إيه فى التليفزيون؟
أنا بحب أتفرج على برامج الطبخ.
