تعرض «البوابة»» مخاوف الأهالى فى شارع الدكتور المحروقى، بالحيتية من ظاهرة انتشار تجارة المخدرات بين الشباب ويقول عم إبراهيم، أحد سكان المنطقة: «بالليل بتكون كلها مليانة مخدرات بيكون أكثر من واحد شغالين فى بيع المخدرات والناس اللى بتشترى أحيانا بيكونوا واقفين بالطابور والبيع علنى كده فى الشارع».
وتابع: «إحنا مش بنقدر نتكلم معاهم بنخاف منهم حد يضربنا بحاجة، وبنخاف على بناتنا وأولادنا تنزل الشارع من مناظرهم، وهم بيتعاطوا المخدرات عينى عينك».
وأضاف أبومحمود: «أنا راجل كبير بخاف منهم وأنا راجع من شغلي، وأنا عندى ٣ بنات وولد، منهم اللى فى مراحل تعليمية ومنهم بيشتغل ويرجعوا بالليل متأخر، بخاف إن حد من المدمنين يتعرض لعيالى».
واختتم أهالى شارع الدكتور المحروقي، الحيتية ـ بالعجوزة نناشد وزير الداخلية بوضع حد لهذا الفساد والمخاطر التى نتعرض لها نحن وأطفالنا طوال الوقت من تجارة المخدرات.
