تناشد السيدة سحر، ٤٠ عاما، أهل الخير والثواب مساعدتها فى الحصول على دخل، حيث إن أولادها يعملون لدفع مصاريف الدراسة، وغير قادرين على التوفيق بين الدراسة والعمل.
تقول السيدة سحر التى تسكن بشارع الجامع بالحتيه – العجوزة: «جوزى مات وترك لى ٢ فى الجامعة وواحد فى الثانوية، ومصاريفهم كتير قوى، وبعانى عشان أجيبلهم فلوس ومعندناش أى مصدر رزق، لأنه كان شغال أرزقى على باب الله، والعيشة بقت صعبة عليا أنا وعيالى والأعباء زادت علينا ومش عارفة أعمل إيه، المعاش مش بيكفى يوم واحد من تعليم عيالى، وخايفة على مستقبلهم».
وتابعت: «مصاريف ابنى فى الثانوية بتعدى الـ١٠٠٠ جنيه فى الشهر دروس ومواصلات، هجيب منين، وإحنا على قد حالنا، وإحنا عايشين فى أوضة تحت بير السلم إيجارها ٢٠٠ جنيه والإيجار تراكم علينا، ومش بنقدر ندفع لكثرة الأعباء، حالتنا بقت تحت خط الصفر».
واختتمت: «كل ما أتمناه من الحياة هو أن أكمل تعليم أبنائى، وأكمل رسالتى فى الحياة، نفسى يطلعوا فخورين بيا، وبناشد أى شخص قادر يساندنى على تعليمهم، لأن ولادى بيشتغلوا عشان يدفعوا المصاريف ومش بيقدروا يوفقوا بين الدراسة والعمل».
للتواصل مع الحالة ٠١٢٨٠٦٦٤٨٢١
