حلم كل أم أن تستر بناتها، ولكن هناك الكثير من الأمهات غير قادرات على تجهيز بناتهن، لظروف المعيشة الصعبة، والفقر الذى يلازمهن طوال الوقت.
تقول «أم ناصر»، ٧٠ عاما، وتقيم بمنطقة الحوتية بالعجوزة، «إحنا عيشتنا على قدها وأنا كبرت فى السن، وابنى مريض مش بيقدر يشتغل، والمصاريف زادت علينا من إيجار وأكل وشرب، ومفيش عندنا أى مصدر رزق، وجوزى اللى كان سند لينا توفى، ومبقتش قادرة أشتغل بسبب سنى». وأضافت: «إحنا عايشين على مساعدة جيرانا، وليا بنت مخطوبة، كل اللى بتمناه من الدنيا إنى اطمن عليها قبل ما أموت، نفسى أجوزها وأشوفها فى بيتها، محدش ضامن عمره».
وتابعت: «ديون الإيجار تراكمت علينا، ومش عارفه ألاقيها منين ولا منين، مصاريف العلاج ولا الأكل والشرب، ولا البنت اللى حيلتى يا عينى مشترتش من جهازها أى حاجة، وخايفة خطيبها يفركش الجوازة بسبب ظروفنا لأننا مقصرين معاه».
واختتمت كلامها والدموع تسيل من عينها، قائلة: «بنتى ملهاش غيرى ومتعلقة على أمل إن حد يساعدنى، وكل اللى أقدر أعمله إنى أدعيلها وأقول يا رب».
للتواصل مع الحالة ٠١١٥٠٧٢١٦٣٠.
