تعيش «أم حسين» ٧٠ عاما، من أهالى منطقة ميت عقبة، وحيدة بمنزلها بعد أن تركها زوجها منذ أكثر من ٣٠ عاما، حتى أبناؤها لم تعد تعرف عنهم شيئا بعد زواجهم.
وتحكى «أم حسين» عن مأساتها فتقول: «من ساعة ما جوزى سابنى وعيالى كل واحد فيهم بقى مشغول فى حياته، وأنا بقيت وحيدة، كنت بشتغل فى البيوت علشان أجيب فلوس أصرف بيها على نفسي».
وتضيف: «نفسى أعيش زى باقى الناس، ومبقاش فيا صحة أشتغل زى الأول، محتاجة حد يساعدنى فى معاش التضامن، كل ما أروح أقدم عليه يقولوا روحى الإدارة، وأروح هناك يقولوا السيستم واقع، وعندى انسداد فى شرايين القلب وضعف شديد فى النظر، وأعانى من السكر».
وتابع: «كل إللى عايزاه إنهم يسهلوا عليا إجراءات معاش التضامن، لأنى معنديش مصدر رزق ومعنديش حد يعولني».
