رغم وجود منطقة «داير الناحية» بالدقى إلا أنها تعد من المناطق العشوائية، ويعانى قاطنوها من غياب الخدمات، وتراكم مشكلات عدة، فالمنطقة أصبحت مليئة بأكوام القمامة، والشوارع مليئة بالحفر، غير أن الآفة الكبرى هى انتشار المخدرات فى المنطقة، خاصة بين أوساط الشباب ويستغيث الأهالي دوما بالمسئولين، ولكن لا مجيب.
يقول «إسلام نصر» ٣٢ عاما، تعانى الشوارع إهمالا لا نظير له، فلم يتم رصفها منذ ٥ سنوات ومليئة بالحفر، واشتكينا أكتر من مرة، علشان حد يسمعنا، مفيش حد سأل فينا، واحنا نعتبر فى منطقة راقية ومفيش عامل نظافة بييجي يدخل عندنا، ومن حقنا يكون طريقنا متسفلت والحواري متبلطة زي المناطق التانية بدل مكلها حفر ومليانة بالتراب والشوارع مليئة بالزبالة».
وأضافت «أم أحمد» ٥٥ عاما، المشاكل عندنا كتير بس أكبر مشكلة فى منطقتنا هى انتشار المخدرات بين الشباب، واقترح أن يعطوا كل شاب قرضا بدون فوائد يفتح به مشروعا ويسدده علي فترات، بدلا من قعدتهم علي القهاوي من غير شغل ومشاكل كل يوم وغيرهم قاعد علي النواصي بيبيع مخدرات بالليل، عندنا مش بنقدر نطلع بناتنا بسبب الناضورجية اللى بيوزعوا المخدرات، لذا نناشد المسئولين حل مشكلة الطرق والحواري والاهتمام بمنطقتنا وإرسال عمال نظافة لرفع القمامة من المنطقة.
