رئيس مجلس الإدارة ورئيس التحرير
عبد الرحيم علي

سكان شارع محمد أحمد عمر: هيئة النظافة تمنعنا من جمع المخلفات

الأحد 12/أغسطس/2018 - 09:39 م
البوابة نيوز
طباعة
طالب جامعو القمامة والمخلفات، المسئولين بمحافظة الجيزة بحل أزمتهم مع هيئة النظافة التى قررت منعهم من جمعها بالشوارع، كما فرضت غرامة تزيد على ٣٠٠٠ جنيه، على كل من يزاول المهنة.
يقول عامر زكريا: «من يوم ما اتولدت وأنا بجمع القمامة وبفرزها، وهذه مهنتى التى ورثتها عن أبويا وجدى، ودلوقتى الهيئة بتمنعنا من الشغل فيها، وجابوا شركات أجنبية تعمل مكانا، طب ليه وده رزقنا إللى ورثناه عن جدودنا».
وقال هانى جرجس: «الهيئة دلوقتى مانعة أى حد يجمع المخلفات من المربع بتاعه، وبتفرض غرامة ٣٠٠٠ جنيه، وبتاخد العربيات إللى بيتحط فيها المخلفات ونوديها لجبل «شبرامنت» إللى احنا أساسا لما بنروح هناك بنتعامل أسوأ معاملة منهم».
وتابع عم جميل: «ليه بيحاولوا يقطعوا أكل عيشنا، وكل واحد عنده ٥ عيال، وطلعنا كلنا من التعليم وكرسنا حياتنا فى الكار ده، يعنى الكبار يمنعونا، والتعليم وسبناه يبقى الحل دلوقتى ايه والا هنعيش إزاى؟ خاصة الكل بقى بيتحكم فينا زى البوابين بقوا بيمنعونا نطلع العمارات لأخذ المخلفات، غير إن الهيئة بتمنعنا نمشى بعربياتنا قدام العمارات، رغم إننا أكتر ناس بتنضف الشوارع مش البوابين إللى بيرموا المخلفات فى أى مكان».
"
هل تؤيد قرار منع التدخين والمحمول في المدارس؟

هل تؤيد قرار منع التدخين والمحمول في المدارس؟