رئيس مجلس الإدارة ورئيس التحرير
عبد الرحيم علي

أهالي الطريق الأبيض: أنقذونا من المياه الملوثة

الأحد 12/أغسطس/2018 - 09:23 م
أهالى الطريق الأبيض:
أهالى الطريق الأبيض: أنقذونا من المياه الملوثة
محمد ماهر وأحمد الكشكى
طباعة
سقطت منطقة الطريق الأبيض بأرض اللواء، من اهتمام المسئولين، فأصبح الأهالى فى المنطقة فى عناء ولا يشعر بهم أحد، بسبب قلة المياه بالمنطقة، وحال وصول المياه إليهم، فإنها تصل ملوثة، رائحتها كريهة ولونها متغير، مما يصيب الأهالى بالعديد من الأمراض.
تلقت «البوابة نيوز» العديد من شكاوى الأهالى بسبب تلوث المياه، يناشدون المسئولين نجدتهم من هذه المياه التى تسبب لهم أمراضا مزمنة بسبب مياه الصرف المختلطة بمياه الشرب.
قالت «أم سلمي»، ٥٤ عاما، وتقيم بشارع سامى عبدالحميد بالطريق الأبيض، بقالى ١٢ يوم والميه قاطعة على طول، لما بتيجى بيبقى بها رمال كثيرة ولها رائحة كريهة، وكلمت موظف بشركة المياه رد على «هى دى الميه اللى عندنا، مش عاجبك متشربيهاش واشترى ميه معدنية».
وأكد: "ابنتى تعبانة بسبب هذه المياه، وبعالجها فى مستشفيات خاصة، والدكاترة قالولى بعد شهر لو ما اتعالجتش كويس هنضطر نغسلها كلي، ده ميرضيش ربنا، مش معايا فلوس أعالج بنتي، وأشترى مياها معدنية كل شوية".
وتابع عم «أحمد» أحد سكان الطريق الأبيض، محتاجين مسئول ييجى عندنا ويشرب من المياه اللى بنشربها دي، إحنا بنى آدمين وبيجيلنا أمراض، إحنا مش مصنوعين من حديد عشان يجيبوا لنا ميه ملوثة ومخلوطة بالصرف الصحي، مش لاقيين نأكل عيالنا نشترى ميه كمان، محتاجين حد يسمع صوتنا، مش بنقدر نشتغل بسبب الأمراض اللى جات لينا بسبب الميه دي.
ويقول الحاج عيدـ ٤٢ عاما، المياه بتيجى بعد الفجر ساعة واحدة فقط وبتقطع، مؤكدًا أنها غير صالحة للشرب وشكلها غريب، وتحس أنها صرف صحي.
وأضافت أم «محمود»، معايا طفل صغير بشترى له ميه معدنية، بسبب مبقاش معايا فلوس أجيب دلوقتي، أعمل إيه؟ نسيب عيالنا تشرب من المياه دى وتموت. وأضافت محتاجين محطة تكرير للمياه عشان نحمى عيالنا من الأمراض.
واختتمت كلامها بمناشدة المسئولين قائلة: أنقذونا من هذه المياه التى سببت لنا الأمراض، وفى ناس أطفالها جالهم فشل كلوى بسبب المياه الملوثة.
"
هل تؤيد قرار منع التدخين والمحمول في المدارس؟

هل تؤيد قرار منع التدخين والمحمول في المدارس؟