«قرب واشتري أحلى سمك هتاكله عندنا وبس».. هكذا ينادي عم أسامة وشهرته «أوطس»، عارضًا بضاعته من أسماك الكابوريا والجمبري ومختلف أنواع الأسماك، بينما يستمتع المئات من المصطافين بالاستحمام في مياه البحر هربًا من شدة الحر ويحاول أوطس إقناع إحدى المصطافين «الجمبري ده يا أستاذة طازة مش مجمد الكيلو بـ١٦٠ جنيهًا ودي أحلى كابوريا بـ٩٠ جنيهًا مش هتلاقي الأسعار دي بره». طوال الـ٢٠ سنة الماضية اعتاد عم أسامة السفر كل يوم من مدينة «إدكو» بكفر الشيخ إلى الإسكندرية لبيع الجمبري والكابوريا والسمك بأنواعه قائلًا: «الصيف مصدر رزقي الوحيد طول السنة فصل الشتاء بنريح فيه ومش بيكون فيه شغل وبستنى الصيف بفارغ الصبر عندي تلات بنات بحاول أوفر لهم احتياجاتهم والحمد الله ربنا ساترها».
يحكي عم أسامة «اتعلمت أصول المهنة على يد أبويا وجدي، كنت أدور معهم على شواطئ الساحل، وكانوا بيروحوا كل المدن الساحلية بس إسكندرية أقرب مدينة لقلبي ومن ساعتها وأنا أعمل بهذه الشغلانة».. وأنا مش متخيل نفسي في شغلانة تانية، وعن الوضع الحالي يقول «كل حاجة اتغيرت مفيش حاجة بقت زي زمان وزيادة الأسعار أثرت علينا كبياعين والسنة دي الحال ماشي بالعافية بس الحمدالله ورزقنا على الله».
