سكان حارة صابر زيان المتفرعة من شارع الحرية ببشتيل يشكون انقطاع الماء المتواصل، ورغم شكاواهم العديدة التى قدموها للمسئولين فإن الوضع السيئ قائم كما هو بدون استجابة أو إيجاد حل من قبل المختصين.
يقول أحمد محمد عبدالحى ويعمل بالتربية والتعليم: «قدمنا شكاوى وأرسلنا لمجلس الوزراء، بس مفيش حد بيرد، ولا بيتواصل معانا، كل الحكاية إن حارة صابر زيان شارع مسجد الصالحين المتفرع من شارع الحرية ببشتيل مفيش مياه بتوصلها، أسبوع كامل ممكن ما نلاقيش حاجة بتوصل، قولنا يمكن عايزه ضخ اشترينا بدل الماتور ٢ فى العمارة، وبردو مفيش، وكل دا بسبب إن الخط القديم المياه اللى بتوصله ضعيفة، وإحنا سكان العاصمة يعتبر لحد دلوقتى معندناش مياه وبنروح نشترى مياه أو نستلفها من الشوارع المجاورة، السيد رئيس الوزراء، إحنا فى كارثة ومحدش بيسأل فينا هنفضل نصرف رواتبنا على شراء المياه، ياريت التدخل وحل المشكلة».
