يعانى سكان منطقة الهانوڤيل بالإسكندرية، من القمامة المنتشرة بكل مكان بالمنطقة ومن الرائحة الكريهة، وهو ما دفعهم لتقديم عدة شكاوى فى حى العامرية دون استجابة.
وتقول منى محمود من السكان القدامى بالمنطقة: «بقالنا سنين على الحال ده، وكل الأراضى الفاضية إللى حوالينا الناس بيستغلوها أسوأ استغلال، اللى بيرمى فيها زبالته، واللى بيهد عمارة يرمى الرديم فى الأرض، وروحنا الحى واشتكينا لكن بلا جدوى للأسف»
وشاركها الرأى «عبدالحميد» موظف، وأحد سكان المنطقة، قائلاً: مشكلتنا تراكم الزبالة وانتشار الحشرات والزواحف بها، دا غير الرائحة الكريهة اللى بتدخل علينا، وروحنا اشتكينا، بس محدش جه سأل فينا، وبرضه لسه الناس بترمى فيها زبالتها، كل اللى عايزينه إن أصحاب الأرض يجوا ينضفوها ويقعدوا عليها حراس، ونتمنى من الحى يوجدوا لنا صناديق قمامة».
