كشف النجم تامر حسني عن اسم ألبومه الجديد المقرر طرحه قريبًا في الأسواق بعد عدة تأجيلات حيث يواصل حسني تسجيل واختيار أغاني الألبوم والتي بدأها منذ عامين، وكتب حسني على صفحته على موقع التواصل الاجتماعي فيس بوك قائلا: "نهاركم جميل إن شاء الله، سألتوا كتير عن ألبومي الجديد وقولتلكم إن غيابي ده عشان أعمل أفكار جديدة تليق بجمهور عظيم زيكم وتليق بمشواري وبمكانتي كمطرب مصري عربي.
الألبوم ده أخد مجهودا كبيرا من سنتين لحد النهاردة وأنا كل يوم بشتغل على تطويره وإصداره بشكل مش تقليدي وخارج الصندوق المعتاد.. الألبوم ده أنا بعتبره محطة جديدة ليا في حياتي من حيث الفكر والموسيقى والجودة وانتوا أكيد هتلاحظوا ده الفترة الجاية المهم الحمدلله بدأ خلاص العد التنازلي لإصدار الألبوم وكل يوم هيكون في جديد بتعرفوه لحد ما يطلع للنور إن شاء الله ألبومي القادم اسمه (عيش بشوقك) كلمات: مصطفى حسن ومن ألحان: بلال سرور وتوزيع: بلال سرور وهاني محروس هي أغنية مبهجة غير تقليدية تمامًا وفيها حالة يمكن بتمس معظمنا الأغنية من إخراج المخرج الكبير هادي الباجوري.
وبكره إن شاء الله هينزل أول ميكينج أوف لأغنية تانية من ألبومي اسمها (وانت معايا) اللي بتجمعني بأستاذي النجم الجزائري الكبير الشاب خالد وهتشوفوا كواليس الأغنية وكل مراحلها الكليب.
للمخرج اللبناني الكبير سعيد الماروق.
