الأحد 02 أكتوبر 2022
رئيس مجلسى الإدارة والتحرير
عبدالرحيم علي
رئيس التحرير
داليا عبدالرحيم
رئيس مجلسي الإدارة والتحرير
عبدالرحيم علي
رئيس التحرير
داليا عبدالرحيم

البوابة لايت

"اللي عايز أنبوبة يصحى من الغيبوبة".. فوزي: الرقابة على المستودعات.. "فشنك"

عم فوزي
عم فوزي
تابع أحدث الأخبار عبر تطبيق google news
«أنابيب.. أنابيب.. اصحى يا منطقة واسمع الندا.. أنبوبة للمحبة.. أنبوبة للغرام.. لو تاخد منى واحدة هتشغل السخان.. اللى عايز أنبوبة يصحى من الغيبوبة.. واللى واقف مستنى معلش غصب عنى فيه أزمة فى الأنابيب.. بيب.. والنبى يا فوزى وحياتك يا فوزى تدينى بمبة ما تكنش قديمة يا فوزى بتنفس يا فوزى وتولع يا فوزي».. وكأنه ريكو وتخفى فى «جلباب وشال» لم يكن الشبه فقط فى أن اسمه فوزى لكن الملامح قريبة، هذا فضلًا عن أنه يحفظ بعضًا من كلمات الأغنية، وربما الفارق الوحيد أن الأنبوبة فى الفيلم باتت أرخص من الواقع بكثير ويشهد على ذلك «ريكو» وعم «فوزي» والتروسيكل.
يقول عم «فوزي» الحقيقى وليس الذى فى الفيلم: «اللى يقولك فيه رقابة على المستودعات بتاعة الأنابيب بيضحك عليك وقوله فشنك، خد منى أنبوبة واعمل نفسك مواطن وشوف هيديها لك بكام أقل واجب بـ٥٥ جنيها، يا بيه الحكومة سايبة الناس تخلص على بعضها، وكلام الجرايد مش صحيح، بيقولوا للريس رقابة على الأسواق وضبط مخالفين، ورحمة أمى ما فى حاجة من الكلام ده يا ريس، الأنبوبة بتتباع أغلى من التسعيرة ولو كان عاجب، وفيه ناس من أصحاب المستودعات بيبيعوها فى السوق السوداء بـ٧٠ ولأصحاب المحلات بـ١٤٠ جنيها».
واختتم عم فوزي: «يا ريس الناس بقيت تنتش من بعض.. كل اللى يطول حاجة بيعملها.. الجنيه غالب وبيسلك الأمور.. فقبل ما تغلوا الحاجة على الناس ازبطوا الدنيا وراقبوا الأسواق.. علشان كده فيه عجل نايم كتير والعربية كده ما تمشيش».