انتقد أهالى شارع الأنصارى الملاصق لمطافئ الدقى من انتشار الصرف الصحى بالمنطقة، مؤكدين أن المنطقة لم تعد صالحة للسكن، وتحتاج لمن ينتشلها من الإهمال الذى سيطر عليها.
أحمد حسن، موظف قال لـ«البوابة»: «تعبت نفسيا من المنظر ده.. بالذمة ده يرضى حد إننا نشوف القرف ده ولا يشم ريحتها ده منظر مش طبيعى أنا مجرد ما بفتح الشباك بس بتعب من الريحة إلى داخلالى من المجارى يا ريت تشوفوا حد يتصرف».
وقالت منى عبدالسلام: «أنا أولادى بيرجعولى متبهدلين من المدرسة مهما أنصحهم حاولوا تمشوا من بعيد بيمشوا من الشارع ده عشان أقرب شارع للبيت يعنى يرضى مين أطفال لسة تقع فى المجارى وهى ماشية رايحة مدرستها».
وأكد سمير محمد، موظف بالمعاش، أن الإهمال سيطر على المنطقة بعدما كانت «منطقة حية ونظيفة»، لكنها الآن تحولت لمنطقة عشوائية.
