علق الفنان عمرو سعد، على خروج مسلسله الجديد "بركة" من الموسم الرمضاني المقبل، قائلًا: "كنت اتمني أني أكون معاكم بس الظاهر ان اتضرب عليا نار.. بس أنا عاوز أقول ان اللي بيحلم يعيش جوه قلوب الناس عمرة طويل جدا بيعيش ويلاطم الزمن بكل بلاويه.. وان مفتاح البقاء هو الإخلاص في العمل".
وتابع "سعد" عبر صفحته على موقع التواصل الاجتماعي "فيس بوك" اليوم الأربعاء، "قررت أتكلم لان الإشاعات كتيرة علي المسلسل بتاعي والكل بيقول اَي كلام.. وانا عمري ما تاجرت بمعاناة ولا اتكلمت عن نجاح ولا تباهيت بشهرة لان مؤمن من يوم ما طلعت على أفيش اول بطولة في فيلمي الأول من عشر سنين ان بطل الناس واحد منهم علشان كدة دعيت ربنا ما اتغيرش واظن ربنا استجاب".
وأضاف "علشان أفضل شايف من عيونكم وحاسس زيكم انتم اهلي وعزوتي وناسي وقوتي ضد اَي حد ممكن يحاول يعطلني أو اَي فاشل مش فاهم أهمية اللي بيبني أو اَي أعمى مش شايف ان التأثير الحقيقي على الأرض هو اللي بيحرك المشاعر ويغير ويطور تفضل قيمته زي الذهب ومع الوقت يغلي ويفك زنقة ناس محتاجة ساعتها تتغير أو تفرح وتقول لأولادها كان في هنا ناس زمان عايشين.. بني أدمين كان هدفهم ينورا للناس مش تنورا من الناس لأن اللي بينفع الناس بيفضل في الارض ده ربنا اللي قال كده.. قانون للحياة وحكم علي الاعمال.. يارب أكون كده وانا بأحمد ربنا وباشكركم علي دعمكم الكبير والمجهود الكبير اللي عملناه هايوصل هايوصل ان شاء الله ومعاه تكبر المحبة والاحترام والثقة المتبادلة اللي اتمنى تدوم الي ان يقضي الله أمرا كان مفعولا".
