لم تمنع إعاقة محمد شحات الذى يبلغ من العمر ٥٥ عامًا، من العمل بمهنة «النقاشة والمحارة»، منذ أن ترك عمله بأحد المصانع بعد إصابته فى حادث، حيث يقول: «حصلت لى الإصابة ومكنش متأمن عليا، وباخد معاش ألف جنيه».
«شحات» من سكان منطقة المنزلة بالقليوبية، وأب لثلاث بنات، الكبرى تدرس بالجامعة، والثانية بالثانوية العامة، والثالثة بالإعدادية، ويضيف: «عايز بناتى كلهم يكونوا تعليم عالى ومش هجوزهم غير لما أعلمهم الأول».
ويقول: «كل اللى أنا عايزه أعيش أنا ومراتى وعيالى زى بقية الناس، أنا بشتغل بالنقاشة والمحارة يوم وعشرة لأ، ورغم ظروفى المادية مش بمد إيدى لحد، وبيجى علينا وقت لا بناكل لحمة ولا فراخ غير مرة فى الشهر».
ويستكمل «شحات» شكواه قائلًا: «نفسى الدولة والحكومة يبصوا للناس اللى زى حالتنا، وبتمنى يوفروا ليا كشك بقالة آكل منه عيش بعرق جبينى وأعيش فى أمان وممدش إيدى لحد».
