تمنت السيدة "نجاة الجافي"، والدة البطل شهيد الشرطة "ضياء فتوح"، قبل عيد الأم، أن ترى ابنها مرة أخرى؛ لاشتياقها الشديد له.
ونشرت والدة الشهيد، عبر حسابها بموقع التواصل الاجتماعي "فيسبوك"، فجر اليوم الإثنين، قائلة: "الليل صعب قوي، قالولي متبكيش، وهتشوفي ضياء، من كتر ما ترجيت ربنا بكيت بحرقة، غصب عني، ونمت سمعت اللي بيقولي: أنا رسول الله، قولتله عاوزه أشوف ضياء، ردد: أنا رسول الله، لما صحيت، منستش اللي حلمت به، ومن يومها وأنا قلبي هينخلع مني، من كتر ما دورت عليك، ودموع الليل مش بتفارق جفوني، وهي بتترجاك إن صورتك تترسم بينهم نفسي".
وأضافت والدة الشهيد: "هتستخسرها فيا في عيد الأم، مفيش عيد بعدك، لو جمعوا لي كنوز الدنيا كلها، متساويش عندي نظرة من عينيك وأنت بتدور عليا، وبتقول فين ماما، كنت بتستخبى علشان أسمعك، آه ياطول ليل كل أم، انكتب عليها تدفن ابنها على حياة عنها".
جدير بالذكر استشهاد خبير المفرقعات النقيب ضياء فتوح، خلال تفكيك عبوة ناسفة، بمنطقة الطالبية فيصل منذ 3 سنوات، وتحديدًا يوم 6 يناير ٢٠١٥، زرعتها عناصر جماعة الإخوان الإرهابية؛ لاستهداف قتل المواطنين.
