تقلبات الزمان ما أقساها، فتارة فقر مدقع وتارة ثراء فاحش، ومعها تتبدل رؤية البشر، فمع المال يتجمع الكل وينفضون أيضا عندما تذهب المنفعة، وعن تلك الحكايات قصص لا تنتهى وأوجاع تزداد يوما بعد آخر.
«هدي» أو الأستاذة كما يطلقون عليها فى الشارع، ضاقت عليها الحياة بعد وسعت، وبعد أن كانت فى المملكة السعودية تعمل هناك حتى تقدم بها العمر وعادت إلى مصر، لم يرزقها الله بابن يحملها بعد ما تعدى عمرها الستين خريفا، تعيش حياتها منفردة لا تمتلك من الدنيا شيئا، ومن يرسلهم الله لها يساعدونها ببضعة جنيهات يوميا.
تقص «هدي» مأساتها قائلة: «مين اللى كدب وقال إن محدش بيبات من غير عشا؟، أنا ببات من غير عشا وغداء ولا حول ولا قوة إلا بالله، أمنيتى فى الحياة أموت مستورة وأعرف أعيش الكام يوم اللى باقينلي، عملت فى السعودية عند ناس طيبين، والعمر عدى عليا وربنا مرزقنيش بزوج ولا عيال، عايشة لوحدي، ومليش مصدر دخل، العظام كلها تعباني، ومشاكل فى الصدر وبقيت إما أجيب كيس رز أو بـ ٢ جنيه فول أقضى عليهم الأسبوع، وتوقفت عن تناول العلاج من قلة الفلوس، وحتى يعجل الله ويفتكرنى ويسترني، كل اللى طالباه حمام كويس زى الناس، أنا مش بقدر أقعد فى الأوضة عندى بسبب الريحة» وواصلت بحسرة: «مش عايزة غير الستر وحمام وقرشين أعيش بيهم ووفّر منهم للكفن».
