رد الشاعر بهاء الدين محمد على الفنانة سميرة سعيد بعد ظهورها مع الإعلامي عمرو أديب وحديثها عن أن أغنية "اكتبلك تعهد"، والتى غنتها الفنانة أنغام كانت مكتوبة لها.
وكتب بهاء الدين محمد على صفحته بموقع التواصل الاجتماعى فيس بوك: "طالما عمرو أديب بيعيد حلقة سميرة سعيد وكلامها عن أغنية أكتبلك تعهد إنها كانت أغنيتها وماخدتهاش!! ولأن عمرو كان لازم يرجعلى علشان أرد على محاولة استهتارها.. !! مضطر أوضح أن بالفعل كان عاجبها مذهب الأغنية واديتها لملحن تحت إشرافها وبعتتلى اللحن وسمعته ورفضته لأنه كان مش لايق على الكلام خالص وعلشان ماتزعلش قولتلها انسى الأغنية دى لأنها هتنجح وكل الموضوع ماخدش كام يوم فقط مش سنين.. وسمعت أنغام كلمات الأغنية وعجبها وكان رد فعلها كله وعى وفهم واهتمام وفن ووظفتها صح واتفقنا يلحنها الفنان إيهاب عبدالواحد، ونجحت وأصبحت الحمدلله أغنية للتاريخ فماكانش فيه داعى إن سميرة تطلع نفسها بالصورة دي، ولكن غلطة ربما تكون غير محسوبة ولا مقصودة لأنها مش ف صالحها !! لكن.. ردى عليها (الأغنية نجحت ياسميرة ورغم اللى قولتيه لكى كل الاحترام والتقدير)".
