تلقى محمد محمد إبراهيم، والد الشهيد المجند "طارق محمد"، ابن قرية نجع الجسور، بمدينة الطود جنوب الأقصر، نبأ استشهاد نجله، بكل قوة وصبر وعزيمة، تنم عما يعتصر بين خلجاته من ألم، ووقف صامدًا يتلقى العزاء في نجله.
وصرح والد الشهيد لـ"البوابة نيوز": "مش عارف أكلم أقول إيه، تلقيت الخبر بكل أسى وحزن، بالطبع، لكنني استسلمت لأمر الله؛ لأننا كلنا في معية الله، هنعمل إيه، مفيش غير ربنا، يعين ولادنا في سيناء، ويتولاهم ربنا".
وأضاف والد الشهيد أن ابنه من مواليد 29 ديسمبر عام 1996، وعمره 21 سنة، بمنطقة نجع الجسور التابعة لمركز الطود جنوب الأقصر، وحصل على دبلوم فني صناعي، وترتيبه بين إخوته الرابع والأخير بين أشقائه، "3 أولاد وبنت"، والتحق بالخدمة العسكرية منذ 6 أشهر، بكتيبة القاهرة في البساتين تابع للأمن المركزي، مضيفًا: "ربنا يديني الصبر من عنده، كان زي سندي في الدنيا مع أنه آخر العنقود بس أنا راضٍ تمامًا بقضاء الله وقدره، وبحتسبه عند الله شهيدًا، وحسبنا الله ونعم الوكيل في اللي خلاني مفرحش بابني، اللي حتى ملحقش يكمل خدمته".
فيما قال خال الشهيد: "في الإجازة اللي فاتت وصلته للقطار وسلمت عليه، وكان في غاية الفرح، كأنه كان حاسس إنه هيستشهد، وهتكون آخر إجازة ليه، و"طارق" كانت علاقته بالناس كويسة وطيبة للغاية، ومحبوب من الجميع، ونحتسبه عند الله شهيدًا، وأنا كنت في الشغل لما جالي الخبر، طبعا صعقت، بس مش عارف أقول إيه، غير حسبنا الله هو نعم الوكيل".
