بعث الفنان رامز أمير للنجم أحمد السقا برسالة عبر موقع التواصل الاجتماعي "فيس بوك" أكد خلالها أن السقا كان السبب في دخوله عالم التمثيل، كما قدم له التهنئة بنجاح فيلم "هروب اضطراري" الذي يتربع على عرش إيرادات أفلام عيد الفطر المبارك منذ بداية عرضه.
وكتب رامز تدوينة قال فيها: "النهاردة شوفت هروب اضطرارى للمرة التانية فى أسبوع واحد ومش هقول اد ايه الفيلم عالمى عشان الايرادات هى اللى بتقول.. بس حابب اقول كلمتين من قلبى على أحمد السقا عشان السقا ليه فضل عليا وهو ميعرفش.. أحمد السقا هو السبب اللى خلانى أمثل لما شفته فى شورت وفنلة وكاب وأنا صغير وحلمت إنى اكون زيه.. كل خطوة بخدها واى تمرين بتمرنه عشان بس اعرف اعمل افلام اكشن زى اللى شفتها لأحمد السقا.
واضاف: زى مكان السقا زمان هو السبب انى امثل، النهاردة هو السبب انى احلم اكتر عشان هو أثبت بالفيلم ده إننا نقدر نعمل أفلام زى بتاعة برة.
وتابع: النهاردة مش بباركله كممثل انا بباركله كواحد من الفائزين بتوعه على فيلم بكل المقاييس فيلم (عالمى) مؤكدا ان احمد السقا هو نجم مصر الاول اللى كلنا لازم نفخر بيه، مبروك علينا.".
