أرسل المنتج أحمد السبكى، رسالة للفنان محمد رمضان، يحذره فيها من عرض فيلمين له فى وقت واحد، حيث تقرر طرح فيلميه «جواب اعتقال» و«الكنز» فى موسم عيد الفطر المقبل.
وقال المنتج: «ده تأثيره سلبى على محمد رمضان، لأن الزبون بتاعه هيتقسم على اتنين، شوية للفيلم ده وشوية للتانى، ومحدش يقولى ده نوعية وده نوعية، مفيش الكلام ده، كده بتشتت الزبون، وده يضر بمحمد رمضان».
وأضاف قائلا: محمد رمضان فى نجاح متزايد، لكن عندما قدم الكوميدى حجمه قلّ، لأن الناس مش عايزاه فى كده، هو ممثل كويس قوى، لكن الناس حباه فى الأكشن وليس فى الكوميدى، والأفضل أن يستمر فى الأكشن».
فيلم «جواب اعتقال» يشارك فى بطولته إياد نصار، وسيد رجب، وإنتاج أحمد السبكى، بينما يشارك فى «الكنز» محمد سعد وروبى، وأحمد رزق، وهند صبرى، وإنتاج وليد صبرى، وإخراج شريف عرفة.
