ليفتي إم: استنوا "أنا الجبان" خلال يومين

يستعد الفنان مروان محمد الشهير بـ ليفتي إم، لمفاجأة جمهوره بإطلالة غنائية مختلفة، عبر أجدد أغنياته "أنا الجبان"، والتي من المقرر ظهورها للنور خلال يومين.

وقال ليفتي في تصريح خاص لـ "بوابة الأندرجراوند"، " الأغنية بلخص فيها العقد اللي بنواجهها وبخاف منها في حياتنا الاجتماعية اليومية، وكمية الجبن اللي بنعيشها في كل موقف بيعدي عادي، وبحاول أبين معنى كلمة "جبان"، اللي ممكن تتلخص في حاجات بنعيشها كل يوم، وبنتهرب منها لمجدر إننا عايزين نكمل في شغلنا أو علاقتنا مع بعض".

كما أضاف ليفتي: " حاولت ألخص كل المواقف الحياتية دي في جزئيتن واحد سلبي وإيجابي، فببدأ الأغنية بالأجزاء السلبية زي ( غبائي ياما خسرني سكوتي ياما حسرني، ياما رجعني زمني خدعني مليون خطوه لورا أخرني)، وبزود حتة أمل شوية في الحياة بنظرة إيجابية ( قررت أحرر الإنسان اللي جوايا مسجون
فمش هاكون جوايا جبان بيحارب إنسان ومش هكون أنا الجبان اللي بايع سكوتي مشتري بثمنه موتي
مش هبقا المكان اللي كان.. اللي يدفن فيه صوتي).

و أشار ليفتي إلى أنه تم بالفعل الانتهاء من تسجيل وتصوير الكليب، ويضع حاليًا لمساته الأخيرة على الكليب، قائلًا: " الكليب يعتبر خلاص خلص، وهيظهر للجمهور خلال يومين على الأكثر. والأغنية من كلماتي وموسيقى هشام وطني، وجيتار وسام سلطان، وهارموني صوتي لمحمود بدراوي وتسجيل وهندسه صوتية في Eleven Studio، والكليب من إخراج ياسين جبريل".