شاهد.. طفل المحلة يكشف تفاصيل اختطافه وتحريره على يد الشرطة

سرد الطفل زياد البحيري  الشهير بطفلة المحلة كواليس اختطافة علي يد عصابة وكواليس الساعات التي قضاها مع العصابة وحتي عودتة سالما علي يد أفراد الشرطة البواسل 

وقال " الطفل زياد "، في حوار ببرنامج " تفاصيل "، علي فضائية "صدي البلد "، مساء اليوم ، الأربعاء ، كنت مع ماما  بنفتح المحل ومرة واحدة عربية وقفت وشخص من الخاطفين مسكني وحطني جوة العربية لافتا الي أن الخاطف قلي لو اتكلمت هضربك بالمسدس  مشيرا إلي أنة أكبر إخواته . 

وأضاف " لما الخاطف دخلني في العربية قالي لو اتكلمت هضرب المسدس في دماغك فرديت علية وقلتلة لو راجل اضرب فرد عليا قائلا متنرفزنيش وتخليني اعملها بجد . 

وتابع " الطفل زياد "، مشينا في الطريق حوالي ساعة والخاطفين كانوا ثلاث اشخاص وشفت امي وهي بتجري وراء العربية ومسكت فيها علشان تحوش عني واحنا ماشيين وقفنا جنب ترعة حوالي ساعة .

وأشار الى أن الخاطفين كانوا ملثمين وأثناء سير العربية خلعوا الملابس وغطوني " بجلابية "، علشان مشوفش الطريق وبعدة كدة نقلوني في عربية نصف نقل وكانوا في الأول هيخلوني  في العربية الملاكي ويشعلوا فيها النار . 

وأردف " الطفل المخطوف "، ان السيارة النص نقل كان فيها سلاح واحنا ماشين قالولي انت حافظ رقم ابوك رديت عليهم ايوة متابعا كلموا ابويا وطلبوا فدية 2 مليون جنية وكنت سامع كل الكلام بتاعهم . 

وأكمل قائلا مرة واحدة سمعت صوت ضخم فقلت اكيد بيعملوا حاجه وفجأة لقيت واحد بيقول اثبت مكانك ولقيتهم بيقولو لي يازياد احنا ضباط 

واختتم الطفل : لما رجعت البيت امي وابويا اخدوني في حضنهم وكنت حاسس اني بحلم .