صوت الناس.. "أمنية" ولدت بدون كف وتحلم بعملية لزراعة يد
كان الوجع ينتظرها بعد أن أكملت تسعة شهور فى رحم والدتها، خرج معها الألم ليلتصق بها طيلة حياتها، وكبر معها نظرة البعض إليها فأصابها اليأس أحيانًا، وشعر أهلها بقلة الحيلة طوال الوقت، أمنية محمد مختار، ٧ سنوات، ولدت بدون كف فى ذراعها.
تحكى قصتها والدتها قائلة: «٧ سنين وإحنا بنلف بيها على كل الدكاترة من غير فايدة، عملنا كل حاجة ولفينا مصر من إسكندرية لأسوان عشان ننقذها، وفى الآخر قالوا العملية بتتعمل بره مصر، زراعة كف، وبتتكلف مبلغ كبير، ووالدها راجل أرزقى على باب الله».
وتواصل: «أول ما كبرت وراحت المدرسة بقى زمايلها يبصولها ويضحكوا بسبب إيدها، كل اللى بنحلم بيه حد يساعدها وتعيش زى باقى اللى فى سنها عادى بدون ما تخجل أو تتكسف، ربنا يقدر حد يتبنى حالتها ويسفرها ويعالجها، وينقذها من الألم اللى عايش بيه حياتها».